Бидний тухай

Анх 2003 онд гэр ахуйн тавилгын худалдаагаар эхлэлтэй Нэкст Групп нь тасралтгүй хөгжиж дэвших, хэрэглэгч нартаа аз жаргал түгээх бүтээгдэхүүн болон үйлчилгээг хүргэх, нийгэмд эерэг өөрчлөлтүүдийг авчрах зорилтуудыг тавин ажилладаг. Монгол улсын 21 аймагт 22 салбар дэлгүүртэй, 600 гаруй ажиллагсадтай Нэкстчүүд өнөөдөр гэр ахуйн болон бизнесийн цахилгаан бараа, хэрэгсэл болон шийдэл; гэрийн болон оффис тавилга; борлуулалтын дараах засвар үйлчилгээ; агуулах, тээвэр; автомашин худалдаа зэрэг салбарт 10 охин компанитай болон өргөжөөд байна. Хэрэглэгчиддээ бараа бүтээгдэхүүн, үйлчилгээгээрээ танигдсан, МҮХАҮТ-тэй хамтран зохион байгуулдаг 'ТОП-100' аж ахуйн нэгжийн нэгээр удаа дараа шалгарч байсан, үндэсний чанарын шагналын эзэн, болон шилдэг импортлогч энтрепренер байгууллага юм.

Бид амьдралыг аз жаргалд хөтлөх технологийн дэвшлийг түгээнэ.

Алсын хараа

Дэлхийн жишигт хүрсэн төгс үйлчилгээ, өргөн сонголтыг Монгол орон даяар түгээх тэргүүлэгч худалдааны сүлжээг бий болгоно.

Бид хэрэглэгч төвтэй байна.

Бид хэрэглэгчийн хүсэл сонирхлыг судалж, түүнд нийцсэн бүтээгдэхүүн, үйлчилгээг зах зээлд түрүүлж нэвтрүүлнэ. Хэрэглэгчийнхээ санал хүсэлтийг эелдгээр хүлээн авч, хүлээлтээс давсан бүтээгдэхүүн үйлчилгээг хүргэнэ. Харилцагчидтайгаа хүндэтгэлтэй, шударга хандаж, хамтын ажиллагааны суурийг батжуулна.

Бид дижитал шинэчлэл түүчээлнэ.

Шинэчлэлт бүхэнд эерэгээр хандаж, оновчтой санал санаачлага, бүтээлч хандлагаар тасралтгүй өсөлтийг бий болгоно. Илүү үйлдлийг олж илрүүлэх, автоматжуулах чиглэлд үйл ажиллагаагаа тасралтгүй сайжруулна. Хувьсан өөрчлөгдөж буй орчин нөхцөлд дасан зохицож сайтар судалж, төлөвлөж, гүйцэтгэлээ дүгнэж, хурдтай шийдвэр гарган ажиллана. Зөвхөн үүрэг даалгавар гүйцэтгэгч бус өөрөө шинийг санаачлагч байна.

Бид хамтын манлайллыг чухалчилна.

Чадварлаг, бүтээлч, нэгдмэл багийн манлайлал-манай амжилтын үндэс. Би биш бид гэсэн эерэг зөв хандлагыг эрхэмлэн багийн үйл ажиллагааг дэмжин, хамт олонтойгоо найрсаг хүндэтгэлтэй хандаж, харилцан итгэлцлийг эрхэмлэнэ. Бид Нэкстийн гэсэн соёлыг бий болгон ажилдаа өөриймсөг сэтгэлээр хандаж, компанийн нэр хүнд, өмч хөрөнгийг хайрлан хамгаална.